Residencia Literaria NORTEAR

A residencia ten como obxectivo fomentar a creación literaria contemporánea nun contexto de convivencia, intercambio e colaboración, permitindo ás persoas participantes desenvolver, iniciar ou afondar nos seus proxectos de escrita. Ao mesmo tempo, promove a creación de redes duradeiras entre escritores, artistas e axentes culturais da Eurorrexión, impulsando novas formas de colaboración transfronteiriza.

Máis ca un espazo de traballo, a residencia preséntase como unha experiencia creativa colectiva, onde a literatura se converte en punto de encontro entre territorios, linguas e sensibilidades artísticas. O resultado final poderá formar parte de futuras edicións e publicacións vinculadas a NORTEAR, ampliando a circulación e visibilidade da creación literaria eurorrexional.

Cada edición inclúe ademais acompañamento curatorial e apoio á difusión pública dos procesos e resultados, reforzando a relación entre creación artística, mediación cultural e achegamento ao público.