Outras actividades Nortear

Intercambio de fondos bibliográficos destinados a aumentar a sección de lingua portuguesa na Biblioteca de Galicia e a de lingua galega na Biblioteca da Direção Regional de Culturado Norte de Portugal.

Acción que se enmarca nomemorando de entendemento – intercambio de fondos bibliográficos entre a Consellería de Cultura e Turismo da Xunta de Galicia e aDireção Regional da Culturado Norte, destinados a aumentar/fortalecer a sección de lingua portuguesa na Biblioteca de Galicia e a de lingua galega na Biblioteca da DRCN. Esta acción pretende fomentar o coñecemento mutuo entre asrespectivas cidadanías; potenciar os valores culturais comúns; promover e difundir a cultura de cada unha das partes; fomentar o coñecemento do patrimonio cultural de Galicia e do Norte de Portugal; dar visibilidade ás culturas propias mediante accións que fomenten ao creación de emprego e, por tanto, que teñan un impacto a medio e longo prazo, e á creación de proxectos comúns de desenvolvemento rexional que se baseen en proxectos europeos.

O IKFEM é o International Keyboard Festival & Masterclass da Eurocidade Tui – Valença, con sede nas dúas beiras do río Miño, que conta coa colaboración da GNP, AECT, a través de Nortear. Este festival ofrece un interesante calendario de eventos musicais e de formación no que se inclúen masterclasses,obradoiros e concertos. O fío condutor do evento é a familia de instrumentos de teclado.

Ademais, o IKFEM fortalece a unión entre a cultura portuguesa e a española, propoñendo un programa artístico que abarca distintos xéneros musicais. Os espazos arquitectónicos máis relevantes da Eurocidade convértense en sedes das actividades do IKFEM, achegando un valor especial ao territorio do baixo e do Alto Miño.

Un proxecto didáctico-cultural, desenvolvido pola Escola Oficial de Idiomas de Santiago de Compostela, que ten por obxectivo divulgar a música e a poesía galego-portuguesas actuais, e aproximar a cultura e a lingua dos dous países.

Este proxecto busca premiar temas musicais e poemas dos dous lados da fronteira e divídese en catro categorías:

• Mellor tema musical galego
• Mellor tema musical portugués
• Mellor poema galego
• Mellor poema portugués

Co obxectivo de estimular a escritura teatral e promover tanto a súa tradución como a súa difusión nos diferentes territorios que configuran a Plataforma Transfronteiriza de Teatro Amador, concédese o PremioPLATTA de Teatro Breve en tres linguas. O premio divídese en tres eventos que se corresponden coa lingua do territorio que acolle cada un dos festivais transfronteirizos: Castela e León (castelán), Galicia (galego) e Portugal (portugués).

Extensión do premio portugués (que xa vai pola décima edición) a Galicia. É un concurso dirixido a mozos instrumentistas que busca descubrir, lanzar e promover a novas promesas da música. Está promovido polo Conservatorio Rexional de Música de Vila Real e dirixido a mozos de ata 21 anos. O premio Elisa de Sousa Pedroso busca a promoción do mérito interpretativo, a excelencia dos candidatos de nacionalidade portuguesa, estranxeiros residentes en Portugal e tamén oriúndos de Galicia, rexistrando e difundindo o traballo desenvolvido polos candidatos como forma para contribuír á súa consolidación en diversos escenarios nacionais.